Yenilənmiş ŠKODA Karoq Artıq Azərbaycanda!

Yenilənmiş ŠKODA Karoq artıq Azərbaycan bazarına da daxil oldu. Populyar krossover həm daxildən, həm də xaricdən yenilənib. Texniki göstəriciləri isə olduğu kimi qalır. Azərbaycan bazarında mövcud model 2 təchizatda təklif olunur: 1,4 TSİ, (110 KW) 150 at g.,8 pilləli avtomat sürət qutusuna malik Ambition və Style.

Yenilənmiş Karoq bamperləri təzələnib, fərqli formalı 6 bucaqlı radiator barmaqlığı öncəki versiyadan daha geniş olub və beşinci qapıdakı spoyler uzadılmışdır. Təkərlər diapazonunda (16-dan 19 düymədək) aerodinamik cəhətdən optimallaşdırılmış dizaynla 17 düymlük versiyalarda mövcuddur. Ən minimal təchizatdan başlayaraq avtomobil böyüdülmüş radiator barmaqlığı və daha ensiz, tam LED matriksli fənərlərə malikdir. Arxasında yeni fənərlər yerləşdirilmişdir. Avtomobilin salonunda təkmilləşdirilmiş LED mühit işıqlandırması, həmçinin ön paneldə və qapılarda yeni dekorativ əlavələr var.

Standart versiya ənənəvi analoq alətlərini əvəz edən 8 düymlük displeyli rəqəmsal cihazlar paneli ilə təchiz edilmişdir. Ambition versiyasından başlayaraq, rəqəmsal alətlər paneli 10,25 düymlük ekran və beş əsas displey variantı, həmçinin fərdiləşdirmə imkanı ilə təklif olunur. Avtomobil 9-a qədər təhlükəsizlik yastığı və toqquşma zamanı sonrakı nəzarətsiz hərəkətin qarşısını alan “Çoxsaylı Toqquşmaya qarşı Əyləc” (Multi-Collision Brake) sisteminə malikdir. Adaptiv kruiz kontrol, zolaq saxlama köməkçisi, park yardımı da var.